ईलाम: रेडियो नेपालबाट दुई पटक सर्बोत्कृठ गीतकारको उपाधी जितिसकेका चर्चित गीतकार महेश आचार्य सङ्गीतकारको रुपमा आएका छन । भर्खरै उनले सङ्गीत गरेको गीत उदायीमान गायिका अन्तराले सुमधुर आवाजमा गाइदिएकी छिन ।
बिगत केही बर्षदेखी काठमाडौ पुतलीसडक स्थित अनुराग सङ्गीत बिद्यालयमा सङ्गीतकार राम सिटौलासङ्ग सङ्गीत सिक्दै गरेका आचार्य र गायिका अन्तरादुबैको यो पहिलो काम हो ।आचार्यको सङ्गीतकारको रुपमा भने अन्तराको गायिकाको रुपमा । एक्विस्टिक स्टुडियो नक्सालमा अजय कार्कीले रेकर्ड गरेको गीतमा सन्जीब बराइलीले सङ्गीत सम्योजन र गीटार, अनि गोपाल देवले बासुरी भरेका छन भने प्रकाश मिश्रले अडियो सम्पादन ,मिक्सिङ्ग गरेका छन ।
गीतको भिडियोलाइ एरिज टी मगरले निर्देशन, छायाङ्कन र सम्पादन गरेका छन । गायिका अन्तरा लाइ नै देखाइएको भिडियो निक्कै आकर्शक बनेको छ । गीत महेश आचार्यको नयाँ एल्बम आमामा राखीएको गीत स्ट्यान्जा एक्स्प्लोर नामको यु–टुब च्यानल बाट सार्बजनिक गरिएको छ । गीत सुन्ने सबैले गीत राम्रो बनेको प्रतिकृया दिएका छन ।