काठ्माण्डौ:
सांगीतिक प्रस्तुतीका लागि कतार पुगेकी गायिका सुनिता कट्वाललाई प्रदेश नम्बर १ समन्वय परिषद कतार सहितका आधा दर्जन संघ संस्थाले सम्मान गरेका छन ।
गयिका कटुवाललाई प्रदेश नम्बर १ समन्वय परिषद कतार प्रवासी कटुवाल सेवा समाज , मोरङ सुनसरी सेवा समाज कतार , भोजपुर सेवा समाज , धनकुटा सेवा समाज लगायतका संघ संस्थाले समेत सम्मान गरेका हुँन । प्रदेश १ का ११ जिल्लाका संस्थाहरुको संयुक्त आयोजनामा प्रदेश नम्बर १ समन्वय परिषद कतारको आयोजनामा भएको सांगीतिक प्रस्तुतीका लागि कतार गएकी गायिका कट्वाललाई सांगीतिक क्षेत्रमा पु¥याएको योगदानको उच्च मुल्याङ्कन गर्दै सम्मान गरिएको छ ।
प्रदेश नम्बर १ समन्वय परिषद कतारका अध्यक्ष चुडामणी कार्कीले गायीका कटुवाललाई सम्मान गर्दै नेपाली गीत संगीत र कला संस्कृतिको संरक्षणमा सबै लाग्नु पर्ने बताउनु भयो ।
यस्तै कतारको मिसाईट स्थित अमाज क्याट्रीङ्को प्राङ्गणमा भएको सामुहिक बनभोज तथा सांस्कृतिक कार्यक्रमका लागि नेपालबाट गएकी गायीका कट्वाललाई सेवा समाजले सम्मान गरेको छ ।
संस्थाका अध्यक्ष सिताराम कटुवालको सभापतित्वमा तथा संस्थाका संस्थापक अध्यक्ष तथा सल्लाहकार संयोजक गोपाल कटुवाल प्रमुख आतिथ्यतामा भएको सम्मान कार्यक्रममा कतारमा बिभिन्न संघ संस्थामा कार्यरत कटवालहरुको उपस्थिति रहेको थियो । संस्थाका महासचिव गोबिन्द कटुवालले औपचारिक संचालन गर्नु भएको उक्त कार्यक्रममा संस्थाका उपाध्यक्ष भरत कटुवालले स्वागत मन्तव्य राख्नु भएको थियो ।
सम्मान कार्यक्रममा संस्थाका सल्लाहकार तेज कटुवाल ,सल्लाहकार बिनोद कटुवाल, सल्लाहकार, छविरमण कटुवाल लगायतले शुभकामना मन्तव्य राख्नु भएको थियो ।
गायिका कटुवालले प्रवासमा नेपाली दाजुभाईले गरेको प्रगति र नेपाल प्रतिको सद्भावको पंशसा गरेकी थिईन । उनले उक्त कार्यक्रममा अभिभावकत्व प्रदान गर्ने सबै कटवाल दाजुभाई प्रति धन्यवाद दिदै खुशी व्यक्त गरेकी थिईन ।
यस्तै उक्त अवसरमा गायिका कट्वाललाई मोरङ–सुनसरी सेवा समाज, भोजपुर , धनकुटा सेवा समाज कतार लगायतका संघ संस्थाले समेत सम्मान गरेका थिए ।
उक्त अवसरमा समाजका बिभिन्न पदाधीकारीको सहभागीता रहेको थियो । यस अघि प्रणय दिवसका अवसरमा दोहामा आयोजीत कार्यक्रममा गायिका कटुवालले बिभिन्न सांगीतिक प्रस्तुती राखेकी थिईन ।
