रोङको बहुवनमा अस्थाई प्रहरी चौकीको स्थापना

फिक्कल: झापा र इलामको सीमा रहेको रोङ ५ को बहुवनमा अस्थाई प्रहरी चौकी स्थापना भएको छ ।सीमावर्ती रहेको बहुवनमा वन तस्करी बन्यजन्तुको चोरी शिकार र बिभिन्न आपरिधिक गतिबिधि बढ्दै जादा नागरिकले असुरक्षा महसुस गर्दै लामो समयदेखि प्रहरी चौकिको माग गरि रहेकोमा बुधबार अस्थाई प्रहरी चौकि स्थापना गरिएको हो । चौकी स्थापना भएपछि नागरिकले सुरक्षाको प्रत्याभुत हुने बिश्वास लिएको स्थानिय असिम खतिवडाले बताए ।
तत्काललाई भाडाको घरमा रहने गरि स्थापित प्रहरी चौकीको उद्घाटन गरिएको छ । रोङ गाउँपालिका वडा न ५ का वडाध्यक्ष दलबहादुर पुलामीको अध्यक्षता ,रोङ गाउपालिका अध्यक्ष मनिकुमार स्याङ्वोको प्रमुख आतिथ्यता र गाउँपालिका उपाध्यक्ष बिस्नुमाया भुजेलको बिशेष आतिथ्यतामा भएको कार्यक्रममा चौकीको उद्घाटन भएको हो ।