कोभिड १९ अनुगमन समिति सूचना संयोजकमा सोम सुसेली

कोभिड १९ अनुगमन समिति सूचना संयोजकमा सोम सुसेली

इलामः नेपाल पत्रकार महासंघ प्रदेश नम्वर एकका उपाध्यक्ष तथा इलामका सञ्चारकर्मी सोमनाथ सुसेली इलामको कोभिड १९ संक्रमण सूचना संयोजकमा मनोनित भएका छन् । उनलाई नेपाली कांग्रेस कोभिड १९ अनुगमन समिति केन्द्रीय कार्यालयले संयोजकमा मनोनयन गरेको हो ।
समितिले जिल्ला जिल्लाबाट संक्रमणको स्थिती र परिक्षणको अवस्थाबारेमा अनुगमन गर्ने, आइसोलेसन एवम् क्वारेन्टाइन केन्द्रहरुको सुविधा तथा मापदण्डको अनुगमन गर्ने बताइएको छ । संक्रमित राख्ने अस्पतालको स्थिती, स्वास्थ्य सामाग्री र चिकित्सक तथा स्वास्थ्यकर्मीहरुको ब्यवस्थाका बारेमा जानकारी लिने साथै संक्रमण रोकथाम एवम् पिडितहरुको सहयोगका लागि पार्टीहरुले खेलेको भूमिकाका विषयमा जानकारी लिने छ ।
त्यस्तै निरन्तर रुपमा सम्वन्धित निकाय, राजनितिक दल, नागरिक समाज, संघ संस्था तथा जनस्तरबाट उपयुक्त विषयमा आवश्यक जानकारी लिने छ । सञ्चारकर्मी सुसेलीलाई नेपाली कांग्रेसका सह महामन्त्री एवम् नेपाली कांग्रेस कोभिड १९ अनुगमन समिति संयोजक डा. प्रकाशशरण महतद्धारा हस्ताक्षरित पत्र आएसँगै जिम्मेवारी समेत प्रदान गरिएको छ ।
आफुले पाएको जिम्मेवारी सहजताका साथ पुरा गर्ने बताउँदै सञ्चारकर्मी सुसेलीले उक्त समितिको संयोजकमा मनोनित गरेकोमा नेपाली कांग्रेस कोभिड अनुगमन समितिलाई धन्यवाद समेत दिएका छन् ।