इलामः इलाममा शुरु भएको अन्तराष्ट्रिय आमन्त्रण माइभ्याली गोल्डकप प्रतियोगिताको आजको खेलमा दार्जिलिङ युनाईटेड क्लब बिजयी भएको छ ।
दार्जिलिङ युनाईटेड क्लबका जर्सी नम्बर ६ का देवाशिस राईले इन्जुरी समयमा १ गोल गर्दै आयोजक माईभ्याली क्लबलाई पछि पारेको हो । आजको खेलमा दार्जिलिङका वाङदेन तामाङ म्यानअफदी म्याच घोषीत भएका छन ।
माईभ्याली फूटबल क्लब इलामको आयोजनामा सुरु भएको गोल्डकपमा नेपाल, भारत, हङकङ र क्यामरुन गरी १० टिमको सहभागिता रहेको छ ।
गोल्डकपको विजेताले नगद ७ लाख र उपबिजेताले ४ लाख रुपैयाँ सहित ट्रफी, मेडल र प्रमाणपत्र पाउनेछन् ।
भोलीको खेल नेपाल फूटबल एकाडेमी हङकङ र हिमालयन शेर्पा क्लब काठमाडौं प्रतिष्पर्धा हुने आयोजक माईभ्याली फुटवल क्लबले जानकारी दिएको छ । प्रतियोगिताको फाईनल खेल चैत्र ५ गते हुने छ ।
२०७१ सालदेखि सुरु गरिएको माईभ्याली गोल्डकप पूर्वी पहाडमै सबैभन्दा बढी धनराशि पुरस्कारको प्रतियोगिता हो । गोल्डकपमा दर्शकका लागि बाँसको अस्थायी प्यारापिट निर्माण गरिएको छ ।