माईभ्याली गोल्डकपः आज त्रिभुवन आर्मी क्लब र मेची नेत्रालय झापा भिड्दै

माईभ्याली गोल्डकपः आज त्रिभुवन आर्मी  क्लब र मेची नेत्रालय झापा भिड्दै


इलामः
इलाममा जारी पाँचौं संस्करणको माईभ्याली गोल्डकप फूटबल प्रतियोगिता अन्र्तगत आज अन्तिम क्वार्टरफाइलनमा विभागीय टिम त्रिभुवन आर्मी क्लब र मेची नेत्रालय झापा भिड्दै छन् । खेल दिउसो ३ बजे पछि इलामको ठूलो टुडीखेलमा हुँने छ ।
यसअघि बिहीबार भएको खेलमा एपिएफ क्लबलाई ३–१ गोलको सहज जित दर्ता गर्दै विदेशी टिम दाउफिन्स क्लब क्यामरुन सेमीफाइनल प्रवेश गरिसकेको छ । यस अघि नै नेपाल प्रहरी र हिमालयन शेर्पा क्लव सेमी फाईनलमा प्रवेश गरिसकेका छन ।
चैत ५ सम्म चल्ने प्रतियोगितामा नेपाल, भारत, हङकङ र क्यामरुनका गरि १० टिमको सहभागिता छ  । माइभ्याली फुटबल क्लबको आयोजनामा जारी प्रतियोगिताका विजेताले नगद ७ लाख र उपविजेताले ४ लाख रुपैयाँ पुरस्कार पाउने छन् ।
२०७१ सालमा सुरु माईभ्याली गोल्डकप पुरस्कार र धनराशिका हिसाबले पूर्वी पहाडकै प्रतिष्ठित प्रतियोगिता हो ।