क्यामरुनको दाउफिन्स क्लवलाई माइभ्याली गोल्डकपको उपाधि

Breaking News Mukya Samachar Special News Trending खेलकुद समाचार समाज

इलामः
इलाममा संचालित पाँचौं अन्तराष्ट्रिय आमन्त्रण माइभ्याली गोल्डकप फूटबल प्रतियोगिताको उपाधि क्यामरुनको दाउफीन्स फूटबल क्लवले जितेको छ । आज इलामको ठूलो टुंडिखेलमा भएको फाइनल खेलमा हिमालयन शेर्पा क्लवलाइ दुइ शुन्य गोल अन्तरले पराजित गरी दाउफीन्सले उपाधि जितेको हो ।
विजेता दाउफीन्स क्लवले नगद सात लाख र ट्रफि पाएको छ । यस्तै फस्ट रनर अप हिमालयन शेर्पा क्लवले चार लाख नगद र ट्रफी पाएको छ । विजेता टिमलाइ युवा तथा खेलकुद मंत्री जगत बहादुर विश्वकर्मा, एन्फाका अध्यक्ष कर्मा छिरिड. शेर्पा इलाम नगर प्रमुख महेश बस्नेत समेतले पुरस्कृत गर्नुभयो ।
फाइनल खेलको मध्यान्तर अगाडि दाउफीन्सका ओवाना र पेटेंगाले एक एक गोल गरेका थिए । हिमालयन शेर्पाका वाम्राले मध्यान्तर पछाडि रातो कार्ड पाएर बाहिरिएपछि दवावमा खेलेको थियो ।
आजको खेलको म्यान अफ दी म्याच हिमालयन शेर्पा क्लवका विषम गुरुड. घोषित भए ।
हिमालयनका गोल रक्षक किशोर गीरी म्यान अफ द सेरिज भइ १६० सी सी को अपाचे बाइक पुरस्कार पाए ।

हिमालयनका त्रिदेव गुरुड. प्रतियोगिताको उत्कृष्ट मिड फिल्डर, र धेरै गोल चार गोल गर्ने सुनिल खड्का पुरस्कृत भए । यस्तै प्रतियोगिताको उत्कृष्ट गोल रक्षक दाउफीन्सका प्रीजर, उत्कृष्ट डिफेन्डर दाउफीन्सका ओको वोता र उत्कृष्ट परवार्ड दाउफीन्सकै पेटेंगा पुरस्कृत भए । उत्कृष्ट प्रशिक्षक समेत दाउफीन्सकै वाम्बा भए । उनीहरुले जनही नगद २५ हजार समेत ट्रफी पाएका थिए ।
माइभ्याली गोल्डकपको पाँचौं संस्करण गत फाल्गुण २६ देखि इलाममा शुरु भएको थियो । प्रतियोगितामा हड.कड, क्यामरुन र दार्जिलिड. समेत १० टीम सहभागि भएका थिए ।

Leave a Reply

Your email address will not be published.